ಉದ್ಯಮಿ ಆನಂದ್‌ ಅಹುಜಾ ಕೈ ಹಿಡಿದ ನಟಿ ಸೋನಂ ಕಪೂರ್‌

ಮುಂಬೈ: ಬಾಲಿವುಡ್ ನಟಿ ಹಾಗೂ ಅನಿಲ್ ಕಪೂರ್ ಪುತ್ರಿ ಸೋನಂ ಕಪೂರ್‌ ಮತ್ತು ಉದ್ಯಮಿ ಆನಂದ್‌ ಅಹುಜಾ ಅವರು ಮುಂಬೈನಲ್ಲಿ ಮಂಗಳವಾರ ಸಪ್ತಪದಿ ತುಳಿದಿದ್ದಾರೆ.

ಬಾಂದ್ರಾದಲ್ಲಿರುವ ಸೋನಂ ಸಂಬಂಧಿ ಕವಿತಾ ಸಿಂಗ್ ಅವರ ನಿವಾಸದಲ್ಲಿ ಎರಡು ಕುಟುಂಬಗಳ ಆಪ್ತರು ಸಂಬಂಧಿಕರ ಸಮ್ಮುಖದಲ್ಲಿ ಸಿಖ್ ಸಂಪ್ರದಾಯದಂತೆ ವಿವಾಹ ನೆರವೇರಿತು.

ಸೋನಂ ಅವರು ವಿವಾಹದ ವೇಳೆ ಕೆಂಪು ಲೆಹಂಗಾ ತೊಟ್ಟು ಮಿಂಚಿದ್ದರೆ, ಅಹುಜಾ ಅವರು ಬಂಗಾರ ಬಣ್ಣದ ಶೇರ್ವಾನಿ ಧರಿಸಿ ಎಲ್ಲರ ಗಮನ ಸೆಳೆದರು. ನವಜೋಡಿಯ ಆರತಕ್ಷತೆ ಸಮಾರಂಭವು ಮುಂಬೈನ ಲೀಲಾ ಹೋಟೆಲ್‌ನಲ್ಲಿ ಸಂಜೆ ನೆರವೇರಿತು. ಎರಡು ಕುಟುಂಬದ ಆಪ್ತರು, ಸ್ನೇಹಿತರು, ಸಂಬಂಧಿಕರು ಸಾಂಪ್ರದಾಯಿಕ ಉಡುಗೆಯಲ್ಲಿ ಮಿಂಚಿದರು.

Leave a Reply

Your email address will not be published. Required fields are marked *